Haradinaj kërkon t’u rrëzohen shtëpitë e sapondërtuara të banorëve të Hades dhe Shipitullës

17:02 | 20 Shkurt 2018
Arbresh.info

Kryeministri Haradinaj ka bërë apel banorëve të fshatrave Hade, Shipitull të mos vazhdojë të ndërtojnë shtëpi sepse do t’u rrëzohen.

“Këtu kam pranë vetës disa fotografi ku po ndërtohen shtëpi në Hade në zonën e ndërtimit të hapjes së Minierës së Re. Kanë filluar ndërtime të shpejta me qëllim që kur ndodh shpronësimi të paraqiten kërkesa. Kërkoj të ndërtohet taskforcë mes Ministrisë së Punëve të Brendshme, asaj të Planifikimit Hapësinor dhe Komunës që të rrëzohen këto shtëpi që tani dhe të mos ndërtohen të tjera sepse nuk do të paguhen. Përkundrazi me ligj është që t’u dërgohen faturë për rrëzim. Duhet ta kuptojnë banorët kur është mjaft”, ka thënë Haradinaj./Arbresh.info